Koreys Tilini O‘Rganishda Talabalarning Mustaqil Ta’Lim Faoliyatini Tashkil Etish

Mazkur tezisda koreys tilini o‘rganish jarayonida talabalarning mustaqil ta’lim faoliyatini tashkil etishning nazariy va metodik jihatlari yoritilib, mustaqil ta’lim, o‘zini o‘zi boshqarib o‘rganish va ta’lim oluvchiga yo‘naltirilgan ta’lim tushunchalarining mazmuniy xususiyatlari tahlil qilingan. Koreys tilidagi 자율학습 (chayul-haksib), 자기주도학습 (chagi chudo haksib) va 학습자 중심 교육 (haksibcha chungshim kyoyuk) terminlarining mazmuni hamda ularning xorijiy til ta’limidagi o‘rni izohlangan. Shuningdek, mustaqil ta’lim faoliyatini tashkil etishning maqsadni belgilash, o‘quv materiallarini tanlash, topshiriqlarni bajarish, o‘zlashtirishni nazorat qilish va natijalarni refleksiv baholash kabi tarkibiy jihatlari ko‘rib chiqilgan.